Nos últimos tempos melloramos bastante o mal-uso que viñamos facendo de tanto plástico… Pero queremos chamar a atención sobre o “desprazamento” da problemática: Pasamos de empregar o plástico a facer un uso irracional das bolsas de papel. Seguimos a contaminar, pero agora o facemos doutra maneira.

A evolución dos últimos tempos

É para felicitarse, porque avanzamos moito na redución do plástico. As bolsas plásticas agora, cando son demandadas, empréganse exclusivamente para levar certos produtos de horta. E a meirande parte das persoas que van pasando pola tenda traen elas mesmas as súas propias bolsas… Pero parece que estamos a sustituir un problema por outro!!! .Estamos contemplando usos absolutamente disparatados do papel: Unha cenoria metida nun cartucho de 1 Kg…

As Bolsas de Papel tamén contaminan

O papel é menos nocivo que o plástico (e máis se falamos do papel reciclado que empregamos na Ecotenda78), pero segue a ser un problema que, ademáis de ser caro, non deixa de ser unha fonte de contaminación: pódese reutilizar poucas veces, e a súa fabricación e transporte implican unha pegada ecolóxica moi considerable (gran consumo de auga e enerxía).

Queremos chamar a lembrar outra vez a regla das 3 R’s: Redución – Reutilización – Reciclaxe. A orde é importante A peor solución é a Reciclaxe; menos mala é a Reutilización; e a mellor opción é sempre a Redución. E a forma que vemos máis efectiva para achegarnos a esta Redución é o emprego de bolsas de tela.

Nós, na Ecotenda78, estamos a traballar para ofrecer bolsas axeitadas para o transporte dos produtos que comercializamos: bolsas de malla para o trasporte de produtos envasados e xenericos, e bolsas de tela de diferentes tamaños para o consumo de dsitintos tipos de graneis.

Tamén empregamos as caixas como alternativa. O explicamos tamén nestoutro artigo.

¿Que opinas? ¿Que outras solucións podemos contemplar?