Xa conseguimos reducir enormemente o uso de bolsas plásticas. Nos últimos tempos melloramos bastante o mal-uso que viñamos facendo de tanto plástico… Pero queremos chamar a atención sobre o “desprazamento” da problemática: Realmente non conseguimos aínda erradicar o verdadeiro problema!!!

¿Que é o que está a pasar nos  últimos meses?

É para felicitarse, porque avanzamos moito na redución do plástico.

O que vemos, entre os centos de persoas que pasan pola Ecotenda78, é que mudaron moito os hábitos: Agora é raro que teñamos que dar bolsas plásticas (que reutilizamos), porque cáseque todo o mundo ven coa súa solución de casa en forma de bolsa de tela, ou co carriño da compra, ou ben leva o que merca nas caixas de cartón que facilitamos na tenda.

As bolsas plásticas agora, cando son demandadas, empréganse exclusivamente para levar certos produtos de horta. E a meirande parte das persoas que van pasando pola tenda traen elas mesmas as súas propias bolsas… Pero parece que estamos a sustituir un problema por outro!!!

¿Donde foi parar o problema das bolsas plásticas?

O que estamos a ver é que agora xa non levamos plástico… Levamos papel!!! Disparouse o emprego de cartuchos de papel nos últimos meses, o que xenera un novo problema. Conseguimos pasar do mal-uso do plástico ao mal-uso do papel. 

O papel é menos nocivo que o plástico (e máis se falamos do papel reciclado que usamos na tenda), pero segue a ser un problema que, ademáis de ser caro, non deixa de ser unha fonte de contaminación: pódese reutilizar poucas veces, e a súa fabricación e transporte implican unha pegada ecolóxica moi considerable (gran consumo de auga e enerxía). 

Se o decimos aquí non é porque nos pareza pouca cousa… Estamos contemplando usos absolutamente disparatados do papel: Unha cenoria metida nun cartucho de 1 Kg… Semella que o consumo de papel non tivera consecuencias!!!

Queremos chamar a lembrar outra vez a regla das 3 R’s: Redución – Reutilización – Reciclaxe. Pero por esta orde!!! A peor solución é a Reciclaxe; menos mala é a Reutilización; e a mellor opción é sempre a Redución. E a forma que vemos máis efectiva para achegarnos a esta Redución é o emprego de bolsas de tela.

Nós, na Ecotenda78, estamos a traballar para ofrecer bolsas axeitadas para o transporte dos produtos que comercializamos: bolsas de malla para o trasporte de produtos envasados e xenericos, e bolsas de tela de diferentes tamaños para o consumo de dsitintos tipos de graneis.

Se falamos dun Consumo Responsable, pensamos que a solución está na tela, reutilizable moitísimas veces antes do seu deterioro, e non no papel.

¿Que opinas? ¿Que outras solucións podemos contemplar?