Arqueixal é unha granxa familiar ecolóxica, situada na comarca da Ulloa, no corazón de Galicia. Producen lácteos da máxima calidade, e complementan a actividade coa oferta de aloxamento e actividades que levan a cabo na propia granxa. Pero Arqueixal é tamén algo que vai moito máis alá: Cuestiona a crenza, asentada na nosa sociedade actual, de que é necesario o crecemento constante. Arqueixal é a demostración da viabilidade dun proxecto baseado no ‘non-crecemento‘.

Falamos con Xosé Luís Carreira Valín, a persoa que está detrás de Arqueixal, a quen xa coñecemos desde hai moitos anos. Pedímoslle que nos conte algo do proxecto de Arqueixal, e axiña bota a falar e colle velocidade. Pasan os minutos rápidamente e é un pracer escoitalo. Semella que non perdeu un chisco da forza coa que empezou todo esto, hai xa vinte anos!!

O primeiro que explica é o conceito de sostenibilidade, e a súa satisfación por ter asentado un proxecto baseado en “que o crecemento non sexa un factor imprescindible: levamos desde o principio con 35 vacas, coidando dunha pradeira, comercializando o que obtemos mesmo ás persoas que veñen visitarnos, coa materia prima como base. E o que queda vai a tendas e distribúese localmente con criterios de sostenibilidade. Desde o principio xa apostamos polos envases de vidro retornable…“.

Parécenos que os proxectos como Arqueixal son verdadeiramente revolucionarios. Luís explícanos que sempre pensaron en “cuestionar o crecemento constante como algo necesario para a viabilidade dun proxecto.  Sería máis sostible, ecolóxica e socialmente, que houbera outras iniciativas semellantes, tamén pequenas, e repartirnos todo entre todos, como foi sempre ata hai poucos anos, en lugar de que unha iniciativa teña que medrar para ocupar unha gran parte do mercado…“. Pensamos que, neste sentido, Arqueixal veu demostrar a viabilidade dun proxecto baseado no non-crecemento, con premisas moi distintas ás que estamos acostumados hoxe en día nesta sociedade.

 Cando preguntamos polo presente e futuro, coméntanos que “esta pandemia ven precisamente cuestionar o modelo no que vivimos. Ven darnos a razón, e comprobamos que non nos equivocamos hai vinte anos cando escollimos este camiño. Somos optimistas!!!“.

Os Produtos de Arqueixal: Lácteos ecolóxicos de calidade

Chegan a Ferrol cada dúas semanas. É mellor encargar para asegurar a disponibilidade de produtos, sobre todo o leite e tamén os iogures.

Son produtos da máxima calidade: Falamos de queixos que levaron xa  premios, tanto a nivel galego como peninsular, e os iogures e o leite son únicos.

Máis información na súa páxina: arqueixal.es

 

Leite Enteiro

Leite fresco pasteurizado de vacas que pastan en pradarías nas que non empregamos nin fertilizantes químicos nin pesticidas, sendo a base principal da alimentación o pasto composto dunha flora moi rica e variada. Envasado natural sen homoxeneizar en botella de vidro retornable.

O leite de Arqueixal é como o leite de sempre: de vaca e enteiro.  Por eso, ademáis de levalo a xente nova que se quere coidar, ten un verdadeiro “clube de fans” entre a xente máis maior. Fai lembrar sabores de antes.

Iogurt Natural

De sabor caseiro e suave, sen colorantes nin conservantes, elaborado con leite ecolóxico. A súa textura non sempre é a mesma, senón que varía segundo o que as nosas vacas coman durante o ciclo agrícola anual. Esta hetereoxeneidade só é un signo de garantía de calidade. Crea unha sa dependencia e adición!

É un iogur delicioso que podemos tomar de moitas maneiras: con mel, con panela, ou con calquera marmelada ecolóxica se o queremos variar. É moi cómodo, porque o temos en dous tamaños -400 ou 720ml- nun envase que permite consumir por partes durante días.

Queixo Cremoso

Queixo de pasta branda elaborado artesanalmente a partir de leite enteiro. O seu aroma lácteo lembra á manteiga e ao iogur, con matices de vainilla, nata e noz moi suaves. A súa acidez é media ou baixa.

É queixo da semana, moi demandado. Canto máis fresco, máis rico. Emprégase tamén para pizzas ou pastas porque funde ben.

Queixo de Nabiza

Queixo curado coñecido como “Queixo da nabiza”, porque se elaboraba na época de produción da hortaliza que lle aporta o nome. Ten un período de maduración mínimo de 6 meses. A súa textura é firme, o seu sabor é lixeiramente salgado e intenso con leves notas a froitos secos.

Queixo máis duro que o cremoso, de sabor máis forte. Consérvase moi ben e vai ao revés: máis rico canto máis maduro.

O proxecto de Agroecoturismo

O proxecto de Arqueixal trata de integrar alimentación e contorna, para dar a coñecer tanto o patrimonio como os saberes tradicionais e o desenvolvemento sostible que poñen en práctica na granxa ecolóxica.

Agroturismo

Dispoñen de catro casas acondicionadas: Palleira, Pallar das Ameixeiras, Casa do Muiñeiro, Caseta das Andoriñas. Ofrecen aloxamentos pa 2-6 persoas en cada casa, rehabilitadas con técnicas de bioconstrución, seguindo os principios dunha arquitectura responsable. O espacio interior foi acondicionado con criterios do Feng-shui, e mirando pola eliminación de campos electromagnéticos.Empregan enerxias alternativas: solar, térmica e fotovoltaica.

Tamén ofrecen unha experiencia singular na Casa da Rebordela, na que podemos vivir co hai cen anos, coa lareira, a vaca na corte, tear…

Experiencias

Pola Ulloa pasa o Camiño de Santiago, e temos a posibilidade de coñecer un patrimonio de interese como o Castelo de Pambre, a igrexa románica de Vilar de Dornas, o río Ulla e o seu afluente, o Pambre, ou diferentes castros, petroglifos e mámoas.

Ademáis, na granxa propoñen actividades relacionadas cos saberes tradicionais, como a elaboración tradicional de queixos, obradoiros didácticos para nenos e percorridos explicativos guiados para coñecer a contorna e as formas de vida sustentables que promoven desde Arqueixal.

Dispoñen tamén do “Parladoiro”, un espazo para compartir de 55m2 adicado a actividades: Encontros temáticos e científicos, conferencias, cursos, obradoiros, pequenos concertos, etc.

Produtos Ecolóxicos e Locais

Bubela Artesá: Pastas e Cervexas Ecolóxicas Galegas

Bubela Artesá: Pastas e Cervexas Ecolóxicas Galegas

Bubela Artesá é unha empresa de Lugo formada por dúas persoas, Fran e Marta, que xa no ano 2014 decidíronse a producir pastas e cervexas ecolóxicas dun xeito artesanal. Falamos con Fran da historia deste interesante proxecto, dos atrancos que atopan e dos seus...

Porto·Muiños, alimentos do mar

Porto·Muiños, alimentos do mar

Porto·Muiños é unha pequena conserveira especializada en algas de produción ecolóxica. Elabora tamén outros produtos a partires das materias primas que o Atlántico nos ofrece: conservas, pastas, arroces, infusións, etc.A empresa partíu da iniciativa de Rosa Mirás e de...

Carabuñas: descubrindo o sabugueiro

Carabuñas: descubrindo o sabugueiro

Carabuñas é un proxecto que está a descubrir o sabugueiro como alimento. A partires desta árbore, presente e ben coñecida por toda Galicia (Sambucus nigra, que pola nosa zona chamámoslle bieiteiro o biouteiro) elaboran unhas marmeladas deliciosas, bombóns, ou unhas...

Panadería O Agro: o pan ecolóxico de Lugo

Panadería O Agro: o pan ecolóxico de Lugo

A Panadería O Agro leva producindo pan desde 1994. Hai moitos anos que os coñecemos e, desde que a Ecotenda78 botou a andar, todas as tardes dos xoves van achegándose pola tenda, para recoller o seu encargo, os siareiros deste pan tan peculiar que viven por...

Viños Ecolóxicos GAIA: Producto da Aldea

Viños Ecolóxicos GAIA: Producto da Aldea

Proxecto de Aldea comercializa os viños ecolóxicos GAIA. No seu catálogo inclúen dous tipos de tintos e un blanco espumoso. Nestas liñas queremos dar a coñecer esta iniciativa que, desde Valga, permítenos disfrutar duns viños de enorme calidade. A Historia dos Viños...

Promovemos os Produtos Ecolóxicos Locais

Traballamos para poñer en valor as iniciativas agroecolóxicas do territorio.

Apostamos pola Agricultura Ecolóxica como vía de desenvolvemento para o rural galego, e selecionamos sempre os produtos que ofrecemos con criterios de Calidade e Cercanía.

Podes seguirnos!!