Bubela Artesá é unha empresa de Lugo formada por dúas persoas, Fran e Marta, que xa no ano 2014 decidíronse a producir pastas e cervexas ecolóxicas dun xeito artesanal. Falamos con Fran da historia deste interesante proxecto, dos atrancos que atopan e dos seus proxectos.

Bubela Artesá: proxectos que abren camiño

Bubela Artesá é un exemplo de proxecto que vai abrindo camiño. Viñan de producir horta ecolóxica, e iniciaron a produción de pastas e cervexas coa idea de chegar a producir eles mesmos as materias primas necesarias. Pero foron atopando atrancos que os levaron a ter que ir abrindo camiño…

Non atopan un muíño para o cereal, o que lles obriga a moer o grao en Zamora. Mercan os cereais cos que fan os seus produtos a produtores cercanos, galegos sobre todo, pero tamén mercan en Zamora ou Asturias cando non atopan aquí o cereal que precisan. Traballan con trigo, centeo, millo e espelta. As especias que empregan as consiguen preto, a través de Milhulloa.

Coa cervexa teñen un problema parecido: Non existen malterías na península. As que hai son as que surten ás grandes cerveceras con produtos moi distintos dos que queren ofrecer desde Bubela Artesá. Teñen que traer, polo de agora, as maltas ecolóxicas de Europa, o lúpulo de Cataluña, Asturias… O bo, nos comentan, é que as perpectivas son positivas porque van vendo que, cada vez, van iniciándose novos proxectos ecolóxicos máis perto, e prevén conseguir boa parte das materias primas necesarias xa de Asturias-León-Galiza nos vindeiros anos… Abrindo camiño!!

Bubela Artesá está inscrita no Consello Regulador da Agricultura Ecolóxica de Galicia

Produtos variados

O que está claro e que gostan moito de experimentar, e sacan produtos novidosos, tanto coas cervexas como coas pastas.

Son catro tipos de cervexa os que ofrecen actualmente: unha de trigo, unha tostada, unha moura, e a última que incorporaron é a “espresso”, que leva licor café!

A liña de pastas é ampla. Inclúen tallaríns, fideos, macarróns, ondas, parafusos, etc. Elaboran as pastas a partires de distintos cereais como o trigo, a espelta ou o centeo; e incorporan tamén produtos típicamente galegos, como as castañas ou as algas.

Proxectos de Futuro

Bubela Artesá é un proxecto ecolóxico cunha gran carga tamén de conciencia social. Non mercan en grandes superficies… E distribúen os seus produtos do mesmo xeito: Únicamente en tendas de proximidade.

A curto prazo, o que pretenden facer neste 2020, tal e como vai vindo, é sobrevivir. Pero van máis alá, porque tamén queren sacar unha nova variedadade de pasta e unha nova variedade de cervexa.

Ademáis queren darlle un pulo ao seu proxecto inicial de producir as  materias primas que precisan,  e escomezar xa a plantar a súa propia produción de lúpulo ecolóxico.

O que pensamos na Ecotenda78 é que son produtos claramente diferenciados, moi distintos de calquera outro produto . E teñen desde logo o seu clube de siareiros… Animamos a probalos e a deixarse sorprender.

O teñen todo!!!

 

Produtos Bubela na Ecotenda78

Envíos a domicilio:

Custo aproximado de 5€ para o Norte da Coruña e Lugo. Consultar!!!

Mostrando tódolos 17 resultados

Unha Tenda Ecolóxica coa maior variedade

Para completar a cesta da compra con produtos Ecolóxicos e Locais!!
Non atopas o que buscas?

Preguntanos!!! laughing Seguro que o conseguimos.

Horta: Froitas e Verduras

A nosa especialidade!! Promovemos os produtos ecolóxicos locais, do propio territorio.

Cosmética

Produtos de cosmética ecolóxica, da máxima calidade. Centos de referencias de marcas galegas e europeas. 

Droguería

Limpeza do fogar, da louza…  Produtos sostibles e saudables, que coidan do medio ambiente e da nosa saúde.