O consumo de avea está a aumentar ano a ano. As súas propiedades a fan moi recomendable: Rica en proteínas, en vitaminas e minerais, calcio, ferro, carbohidratos, etc. Destaca sobre todo polos seus seus demostrados efectos na reducción de colesterol. Existen varias formas de consumila, entre as que destacan os copos e a bebida.
A avea (Avea sativa) é un cereal -familia das gramineas- que se cultiva en Europa Central desde a idade de Bronce. É pouco esixente no seu cultivo.  

Propiedades da Avea

Moi rica en proteínas, é tamén o cereal con maior proporción de grasa vexetal: u​n 46% de ácido linoleico e un 54% de grasas non saturadas.

Contribúe ao bo funcionamento intestinal polo seu importante aporte de fibra.

Contén hidratos de carbono de fácil absorción, ademáis de zinc, cobre, calcio, potasio, ferro, magnesio, potasio, sodio, e vitaminas B1, B2, B3, B6 e vitamina E.

Máis información:

https://gl.wikipedia.org/wiki/Avea_com%C3%BAn

Discrepancias co Gluten

En principio, a avea non é aconsellable para persoas con intolerancia ao gluten, por dous motivos principalmente:

  • Os cereais que conteñen gluten son o trigo (a proteína é a gliadina), a cebada (a proteína é a secalina), e o centeo (a proteína é a hordeina). A estructura da proteína da avea – a avenina-, moi similar ás proteínas do trigo, cebada e centeo. Algunhas persoas celiacas non toleran a avenina, polo que de entrada desaconséllase o seu consumo en casos de celiaquía, pero tamén hai quen recomenda probar a introducila baixo supervisión médica, xa que realmente é unha porcentaxe moi baixa a dos casos de intolerancia á proteína da avea. Estudios recientes relacionan estas intolerancias coa variedade de avea.
  • Nos procesos de elaboración dos preparados con avea danse moitas veces contaminacións doutros cereais que conteñen gluten.

Máis información: http://celicity.com/la-avena-no-gluten/

Beneficios

– O consumo de avea reduce o colesterol LDL -o colesterol malo-.

– A avea pode reducir o risco de doenza cardiaca.

– Contén máis fibra solúbel que calquera outro cereal, polo que as dixestións son máis lentas, e resulta máis saciante.

– Emprégase en tratamentos do sistema nervioso, contra o insomnio.

– Emprégase como fortificante, no caso de diabetes e dispepsias.

– Emprégase en curas de desintoxicación do tabaco.

– Para a pel: Suaviza e tonifica, polo que se utiliza na elaboración de xampús, xabróns e cremas.

Formas de consumo

Existen varias formas de consumir avea:

En Copos:

Son o resultado de descascarillar, moer e prensar os graos. Según como se faga este proceso dan lugar a copos finos ou grosos, para gustos. Os copos pódense empregar tanto para receitas de repostería e pratos de cociña como para cocelos directamente e acompañar un bo almorzo, ou ben engadilos en iogures, batidos, etc.

Salvado:

É a capa externa do grao, o que queda despois de ​descascarillar o grao para refinalo e facer os copos, fariña, etc. O salvado ten máis fibra e menos hidratos de carbono que os copos. Pódense empregar básicamente de mesmo xeito que estos.

Hai que ter certa precaución co salvado: Está contraindicado en persoas con problemas dixestivos xa que, debido a súa enorme cantidade de fibra, pode resultar irritante para o intestino e agravar certos problemas.

Fariña

Emprégase na elaboración de produtos de repostería e panadería, principalmente. Existe unha enorme cantidade de receitas ás que é dioado acceder a través de internet.

En grao

O grao empŕegase para obter os produtos anteriores: fariña e copos principalmente. Tamén para facer auga de avea e facer unha bebida a gusto de cada un. É necesario deixalo a remollo antes.

Bebida

Cada vez máis extendido o seu consumo, é unha bebida vexetal que pode sustituir o leite, de orixe animal, para o seu consumo diario.

Compre destacar que existen moitas marcas e preparados: avea soa, con calcio (enriquecida con algas), con cacao, e tamén con outros sabores. A concentración do cereal e a forma de prepar a bebida inflúen no resultado e no sabor que se obtén. Por eso é recomendable probar distintas marcas, e sobre todo deixarse aconsellar polos profesionais das tendas de alimentación que nos poden orientar.

 

Recomendamos o consumo a granel. Evitamos plásticos e conseguimos mellor prezo.

Productos con Avea

Relación de produtos que conteñen avea na nosa tenda On-Line