Algas – Propiedades e usos
As Algas son alimentos de alta calidade, pobres en graxas e con gran cantidade de fibra.
Ademais proporcionan:
- Minerais: todas elas posúen unha elevada concentración de minerais, entre os que destaca o iodo. Algunhas acadan valores récord como a espaguete de mar que pode ter ata dez veces máis ferro que as lentellas, e a wakame con máis calcio que o leite de vaca.
- Proteínas: conteñen todos os aminoácidos esenciais.
- Vitaminas: presentes en grandes cantidades, destaca a presenza da vitamina B12 (ausente nos vexetais terrestres) e da vitamina C que contribúe a asimilar o ferro proporcionado.
As poucas graxas que conteñen son principalmente insaturadas. A presenza de ácidos graxos esenciais como omega 3 e omega 6 axudan a diminuír o nivel de colesterol.
Ese efecto anticolesterol vese aínda reforzado polo tipo de fibras que conteñen. Ademais de fibras insolubles que favorecen o tránsito intestinal, conteñen unhas fibras solubles chamadas ficocoloides, que actúan como reguladores. Trátase duns polisacáridos (agar, alxinatos e carraxenatos) que ‘enganchan’ o colesterol e o expulsan do organismo.
[Fonte. wikipedia]
Usos das Algas – Cómo Cociñar con Algas
Cociñar con algas é doado.
En internet pódense atopar cantidade de receitas variadas, desde logo, e tamén existen varios libros editados en Galicia sobre o tema.
Publicamos un cadro-resumo dos usos culinarios das algas máis comúns en Galicia.
[Fonte: Algamar]
