Plantas de Interese: A Salvia

Falamos da Salvia officinalis, a máis coñecida das númerosas especies do xénero das salvias, que se atopan espalladas por todo o mundo. O que chamamos aquí "salvia" é unha interesante planta que ven sendo empregada desde a antigüedade: É unha das plantas con maior número de propiedades e usos de todas cantas podemos atopara na farmacopea clásica.

A salvia ten moitas propiedades medicinais, pero tamén é unha pranta con moitos usos e tradición culinaria, empregada en numerosas partes do mundo.

É unha planta orixinaria do Mediterráneo, pero que podemos atopar por toda a península e que, en Galiza, cultivamos nas hortas e xardíns.

A salvia como planta medicinal

A salvia ten moitas propiedades medicinais: antisudorífica, hipoglucemiante, emenagoga, estimulante, antiespasmódica, adstrinxente e antiséptica.

Por estos motivos é cultivada en todo o mundo como planta medicinal: Na medicina tradicional austriaca a Salvia officinalis administrada por vía oral, como infusión ou masticada, utilízase para o tratamento de enfermidades do tracto respiratorio e gastrointestinal, boca e pel.

A salva está indicada no tratamento do alzeimer, e mellora a memoria en individuos novos e sanos.

Os usos culinarios da Salvia

Como condimento ten un sabor lixeiramente picante. Na cociña occidental, emprégase principalmente para condimentar carnes graxas (especialmente as marinadas), queixos e algunhas bebidas.

As sementes de salvia teñen tradición en Gran Bretaña, onde por xeracións foron catalogadas como unha das herbas esenciais, xunto co perexil, o romeu e o tomiño. As sementes teñen un sabor salgado, lixeiramente picante.

A salvia aparece en moitas cociñas europeas, sobre todo italianas e dos Balcáns, e tamén no Oriente Medio.

Na cociña británica e americana, sérvese tradicionalmente a salvia e o recheo de cebola, como acompañamento de pavo asado ou pito no Nadal ou o Día de Acción de Grazas.