Estamos a celebrar os 5 anos de Ecotenda78 co recoñecemento ao traballo dos nosos proveedores.

Queremos poñer en valor estas iniciativas porque todas elas teñen en común a súa aposta polo Ecolóxico e polo Local, polos mesmos valores que nós queremos promover!!

Queremos continuar con esta serie de recoñecementos falando de Conservas Amorodo, outro dos proxectos que levan con nós unha chea de anos, dirixido por María Victoria Cosme e por Yolanda Vilar, mulleres que tiveron a valentía de botarse a fabricar conservas ecolóxicas xa no ano 2003, cando daquela o ecolóxico era algo pouco coñecido na sociedade. 

CONSERVAS AMORODO  S.L é unha empresa de Soutelo de Montes (Forcarei, Pontevedra) adicada á elaboración de conservas e marmeladas que producen con materias primas ecolóxicas de primeira calidade. Iniciaron a andaina no ano 2003, coa construción dunha nave en Soutelo de Montes, e loitaron para sacar adiante o proxecto ata que no ano 2006 conseguiron poñer por fin en marcha a produción de conservas.

Escollen as  materias primas coas que traballan cun criterio no que prima a cercanía: Buscan sempre produto ecolóxico próximo, de produtores galegos, e se non o hai na Galiza traballan con produtores do Norte de Portugal. So para certos produtos, como a laranxa por exemplo, traballan con produtores do resto da península.

A importancia da industria conserveira

 Este tipo de industria é de enorme importancia para os produtores ecolóxicos de horta, xa que representan unha saída para os excedentes, a produción que non se consigue vender no mercado. O que non venden en fresco poden destinalo á elaboración de conservas de calidade.

Colocar estos excedentes como conservas ecolóxicas, ademáis de representar uns importantes ingresos económicos a maiores para o produtor, permite planificar as produccións cunha maior flexibilidade, con certo marxe para ir máis alá da demanda esperada.

Para os consumidores supón que, ademáis de poder dispor dunhas conservas estupendas, mellórase tamén a disponibilidade de produto fresco.

 Conservas de Calidade

A elaboración das conservas realízase durante todo o ano, a medida que se van colleitando os ingredientes empregados. Producen no inverno as conservas elaboradas a partires do kiwi, a laranxa ou o grelo. No vran producen as conservas con tomate, xudias, melocotón, etc.

Un aspecto que coidan moi especialmente é o da seleción do produto: “Non compramos produto de destrío”. Insisten en que o que recollen é únicamente produto de primeira categoría que non se conseguíu vender en fresco no mercado. Nunca son restos nin produto de segunda categoría.

Outro aspecto de importancia é a auga que empregan. Están situadas nunha zona de media montaña, e as augas coas que elaboran os produtos son augas puras da máxima calidade, sen ningún tipo de tratamento.

Conservas Ecolóxicas

Ecotenda78 Online

Mercados de proximidade

Conservas Amorodo distribúe as súas conservas por Galiza principalmente, e tamén por tendas do Norte da península, Madrid e Barcelona. A idea sempre foi a de favorecer o emprego local, tanto en Soutelo de Montes, cos postos de traballo que alí xeneran coa súa industria, como a través dunha rede de distribución que evita as grandes superficies: “Traballamos con tendas pequenas porque o que queremos é favorecer o comercio de proximidade”.

Dispoñen dunha páxina en Facebook: https://www.facebook.com/amorodo.eco/