Estamos a celebrar os 5 anos de Ecotenda78 co recoñecemento ao traballo dos nosos proveedores.

Queremos poñer en valor estas iniciativas porque todas elas teñen en común a súa aposta polo Ecolóxico e polo Local, polos mesmos valores que nós queremos promover!!

Queremos iniciar estos recoñecementos falando de Milhulloa, un proxecto que nós xa coñecemos desde hai moitos anos, e do que podemos decir que, detrás de todo este gran ​traballo, quen están son tres mulleres absolutamente auténticas, currantes e ás que sempre é un grandiiísimo pracer atopar polas feiras e festas do mundo adiante!!

MILHULLOA S. COOP. GALEGA é unha cooperativa formada por tres mulleres: Anxos, Carmela, e Chusa. Iniciaron o proxecto xa no ano 2000, polo que pódese decir que contan cunha longa experiencia.

Milhulloa sitúase en Palas de Rei (Lugo), na Ulloa, á beira do Camiño Francés. Adícanse á produción de plantas mediciñais e hortalizas que envasan e deshidratan para a súa comercialización en diferentes formatos: especias, infusións, oleatos, etc.

Dispoñen de 10 Ha. de terreo onde realizan o seu propio cultivo destas plantas mediciñais e de hortalizas, e contan cunha pequena industria onde transforman os seus produtos mediante un proceso de deshidratación.

Traballan coas plantas que se dan aquí…e as poñen en valor!! Veñen de rematar no 2019 un proceso de investigación, de tres anos de duración, que realizaron conxuntamente co Centro de Investigación de Lourizán, coa finalidade de coñecer mellor as propiedades e os posibles usos das plantas que se poden dar na Galiza para o seu emprego no campo da cosmética.

A favor das canles Km. 0

O máis importante para elas é favorecer ás pequenas tendas de proximidadeComercializan a través destas pequenas tendas, negocios de hostelería,etc.

Teñen rexeitado ofertas para poñer os seus produtos nos lineais das grandes superficies. E cando se lles pregunta por esto, comentan orgullosas o ben que lles vai ás pequenas tendas de proximidade coas que traballan, ás que sirven os seu produtos.

Involúcranse constantemente na creación de redes, tanto a nivel local como a niveis máis amplos: A nivel local colaboran con outras iniciativas da bisbarra para producir os produtos de cosmética coa marca Muuhlloa, que tamén comercializamos na Ecotenda78. E a nivel máis global participan en distintos movementos cooperativos, como por exemplo Coop 57 Galicia, da que son socias fundadoras.

Os cursos, como actividade complementaria

As socias de Milhulloa tamén levan a cabo unha intensa actividade de formación: Imparten cursos por toda a xeografía galega sobre o Aproveitamento de Plantas Mediciñais (cultivo, conservación, etc). Son cursos que desenvolven principalmente en moitos colexios, institutos de ensino secundario, centros de formación agraria e asociacións rurais.

Nin que dicir ten que levan recibido unha chea de premios e recoñecementos, máis que merecidos, ao longo de todos os anos de traballo!!  

Unhas fotos que nos envían de Milhulloa o 8 de maio do 2020:

Produtos de Milhulloa na Ecotenda78