Presentamos 3 proxectos de Cosmética Ecolóxica que comercializamos na Ecotenda78: Cosmética de calidade, boa para o medio e para a saúde. E falamos de produto galego!!
Acabamos de incorporar Argaia ao catálogo de cosmética galega ecolóxica da Ecotenda78. Únese a outras dúas iniciativas coas que xa levabamos un tempo traballando: Naturavia e Muuhlloa. Pensamos que é o momento de repasar, orgullosos, os proxectos de cosmética ecolóxica que xurdiron no noso territorio.
O que teñen en común as tres iniciativas é a calidade do produto que comercializan. Na Ecotenda78 vemos como, paseniño, van gañando o seu oco como marcas preferidas de cada vez máis e máis persoas, que descubren esta cosmética galega frente ás marcas europeas de maior tradición no sector da cosmética ecolóxica.
Imos contar algo destes proxectos, por orde alfabética:
Argaia
A última incorporación á Ecotenda78. Trátase dun proxecto impulsado por dúas rapazas: Pamela, química, encargada da fabricación e producción, e Estefanía, encargada da comercialización.
O que nos pareceu realmente peculiar neste proxecto é que levan a cabo todo o proceso: non compran as materias primas coas que elaboran os seus produtos, senon que cultivan elas mesmas as plantas coas que elaboran os produtos que despois comercializan. Para a produción das plantas certitificaron -no CRAEGA- unha horta ecolóxica no Valadouro (Lugo).
Contan no seu catálogo cunhas 30 referencias distintas, e clasifican a súa oferta en :
- Liña Facial
- Liña Corporal
- Liña Capilar
- Coidado Infantil
- Liña Solar
Muuhlloa
Muulloa ofrece unha liña cosmética moi innovadora, que nace da unión de dous proxectos: Granxa Maruxa e Milhulloa.
Dunha banda, Granxa Maruxa ofrece o leite, a base sobre a que se elabora esta cosmética. Da outra banda, Milhulloa aporta os aceites esenciais, os principios activos que fan única esta liña de cosmética.
A gama cosmética de Muuhlloa está constituída por tres referencias: unha leite corporal, unha crema facial, e unha loción capilar.
Naturavia
Os máis veteranos: Carla e Pepe levan xa moitos anos con este proxecto de cosmética natural, desde a súa terra, Ribadavia.
Ofrecen a gama de produtos máis extensa, entre as tres que aquí presentamos, e a súa calidade xa hai tempo que quedou contrastada polos miles de clientes e amigos-seareiros cos que xa contan a estas alturas da súa andaina.
O catálogo de produtos de Naturavia é moi completo. Está formado por unhas 50 referencias, entre as que se inclúen xabóns, limpiadores faciais, tónicos faciais, cremas faciais, aceites faciais, produtos para ollos e beizos, corporal & mans, aceites puros e aceites esenciais.
