Iniciamos unha serie de entrevistas con produtores ecolóxicos da bisbarra.
A primeira entrevista desta serie é a que lle fixemos a Bárbara Rivera, un caso de éxito na horta ecolóxica en Ferrolterra.
A súa historia demostra que en Neda, para quen saiba facelo, é posible vivir do sector primario.
¿Cóntanos quen eres e o que fas?
Son Bárbara de Agronuquel. Estou en Neda, e levo dous anos en reconversión a ecolóxico. Agora xa acabei a reconversión e xa estou totalmente en ecolóxico, certificada. Adícome á horta.
¿Por que traballas en ecolóxico?
Penso que é unha forma de comer que é a máis sana posible, e tamén polo medio ambiente.
Como a gasolina dun motor, nós necesitamos alimentarnos para andar. Canto mellor comamos mellor estaremos de saúde e de todo..
¿Desde o punto de vista do productor por que traballas en ecolóxico?
Porque en convencional eu penso que hai moita trapallada. Utilizan demasiados químicos para obter o produto cando queren, como queren, do tamaño que queren, da forma que queren…, e eu penso que a natureza é como é, igual que as persoas, e a natureza é como é e se debe respetar. Non querer nós transformala ao noso antoxo.
¿Que camiño é o que levas andado?
Despois dos dous anos que xa levo producindo teño xa unha hectárea certificada, da cal non lle estou aínda sacando rendemento a toda, pero vou aproveitando cada vez máis parte dela. Espero xa este ano empezar a aproveitala toda e ir así medrando pouquiño a pouquiño.
Agora empezou xa unha persoa a traballar conmigo. Espero poder mantela e crear incluso máis postos de traballo, oxalá!! Se esto vai ben…oxalá!!!
¿Contenta co que levas feito?
Si!! ¡Aínda que ás veces as condicións metereolóxicas non axudan e desaniman un pouco… pero estou moi orgullosa do que fago!!
“Agora empezou xa unha persoa a traballar conmigo. Espero poder mantela e crear incluso máis postos de traballo, oxalá!!”
¿Como empezaches? ¿Como veu a ocorrencia?
Todo empezou porque eu quedei sen traballo e estaba buscando algunha cousa, entón unha das miñas fillas enfermou, sin nada que ver con esto, pero estando no hospital alí con ela tantos días e tantas horas dándolle voltas,… que moitas das cousas que nos veñen é pola alimentación. Se ti non te alimentas ben e estás comendo químicos e químicos e químicos , eso á larga vai ter as súas consecuencias.
Entón falei coa familia, e todos me dixeron que terras había, que para adiante. E ahí foi onde empezou o motor a andar.
E ¿como ves o futuro?, ¿que planes tes?
A corto plazo quería ampliar, montar outro invernadoiro, e incluso poder facer unha pequena envasadora, non a gran escala.
Despois, máis a largo prazo gustaríame un elaborador, para facer salsas co excedente de tomate, facer ensaladas mesturando diferentes cultivos, e abrir ao mesmo tempo outro tipo de mercados.
¿Como estás comercializando?
Fago venta directa ao consumidor que ven por aquí e leva dúas leitugas, e tamén a través de tendas e intermediarios.
Ao estar en ecolóxico tería a porta aberta sempre a comercializar en convencional, pero de momento e afortumnadamente nunca tiven que ir chamar a esas portas e tirar-mandar esa mercancía en convencional sendo ecolóxica.
Sempre din comercializado ben e non hai queixa.
¿Como están as canles de comercialización para unha produtora ecolóxica aquí, a nivel local?
Non está moi fácil. De momento penso que hai moita ignorancia aínda na xente, que pensa que unha leituga vai costar 5€, cos prezos… A xente non sabe moito aínda como son as cousas e se estás en ecolóxico é como se foras un pouco extraterrestre.
Tamén penso que a xente pouco a pouco vaise dando conta de toda a trapallada que hai no mercado, e cada vez máis xente consume en ecolóxico. É unha cousa que vai en aumento.
“Penso que a xente pouco a pouco vaise dando conta de toda a trapallada que hai no mercado, e cada vez máis xente consume en ecolóxico. É unha cousa que vai en aumento.”
