Despois desta última semana tan difícil para tod@s, queremos implementar unha serie de melloras que explicamos a continuación:
Novos Horarios, a partires do luns 23
MAÑÁS: Atención ao público, de 10:30h a 13:30h, os martes, mércores, xoves e venres. Luns e sábados estaremos pechados.
Seguimos atendendo ao público neste horario. Somos nós quen vamos servindo os produtos requeridos cliente con cliente, coas medidas de seguridade que xa viñamos empregando nos últimos días.
TARDES: Recollidas de pedidos, de 17:30h a 20:30h, os martes e os xoves.
Únicamente estaremos para entregar os pedidos recibidos. Non atendemos ao público.
Avisamos para que se veña recoller o pedido a unha hora concreta. Pregamos puntualidade, para que as persoas que veñen recoller pedidos despois non teñan que esperar.
Podemos servir os pedidos directamente no coche, diante da porta, evitando así riscos innecesarios.
Informacións sobre os Pedidos
Seguimos atendendo en tenda a quen queira vir facer a súa compra, pero queremos promover os “Pedidos” ou “Compras Planificadas”.
Mercar agora deste xeito é moito máis seguro: Evitamos aglomeracións e esperas. Ademáis, reducimos tamén a necesidade de ter que sair máis veces de casa por erros, esquecementos, etc
As Formas de Facer Pedidos:
- A través da tenda on-line: para nós é a mellor maneira. A tenda on-line estivo saturada estos días, chegando por momentos a fallar completamente. Estamos traballando para solucionalo.
- Enlace principal da tenda: https://ecotenda78.com/ecotenda-on-line/
- Para ACEDER POR PRIMEIRA VEZ: Ao ter ficha na tenda, o voso correo xa está no sistema. O único que hai que facer é obter a vosa propia contraseña, que se consigue neste enlace: . O sistema xa fai que vos chegue un correo coas instruccións para definir a vosa propia contraseña. Unha vez que entredes xa podedes navegar xa por toda a tenda on-line e acceder a todos os produtos publicados.
- Se alguén ten problemas e quere que se lle guíe máis en detalle pode falar con Xan (675 89 01 63)
- A través de teléfono ou mensaxería (Whatsapp/Telegram): Tamén nos podedes pasar a vosa lista da compra deste xeito. Teléfonos para esto: 881 122 675 (tenda) e 617 81 95 04 (Olaia). Atenderemos este tipo de pedidos sempre e cando nos sexa posible.
Recollidas dos Pedidos:
Para recoller os martes: recibimos pedidos ata última hora do domingo.
Para recoller os xoves: recibimos pedidos ata última hora do martes.
Outras cuestións habituais estos días:
Posibilidade de que levemos pedidos a domicilio:
Dada a alta demanda deste servicio estos días non podemos asumir máis repartos a domicilio. Únicamente faremos excepcións con algunhas persoas que padecen problemas de saúde e mobilidade, e ás que xa estamos atendendo.
E se me para tráfico/policía cando vou recoller o pedido?
Cando vides recoller un pedido enviamos un texto por mensaxería para avisar de que “o pedido está listo. Podes pasar a recollelo!!”. Está sendo suficiente para xustificar o desplazamento. Despois enviamos tamén a factura por email, pero xa levades ademáis toda a compra no coche…
Se tes dúbidas ou suxerencias non dubidedes en facérnolas chegar!!
