Neste artigo falamos das alternativas que propoñemos ao uso do plástico desde o comercio local. Explicamos tamén que, se o que queremos é non contaminar, hai outras variables que debemos ter en conta: o transporte e o modelo de consumo que escollemos como consumidores.

A Ecotenda78 é unha tenda ecolóxica de Ferrol, e podemos decir que xa levamos moitos anos traballando para a reducción e eliminación do plástico, desde tempos nos que ninguén falaba deste problema. Pero queremos suliñar que non somos os únicos: Moitas tendas que temos arredor de nós -de diversos sectores- tamén están a traballar neste aspecto, porque tamén as persoas que xestionan outras pequenas iniciativas locais teñen a súa conciencia ecolóxica… E todos facemos o que podemos!!!

Imos resumir neste artigo as medidas que temos implantadas na nosa tenda, xa desde hai anos.

As alternativas ás bolsas de plástico que propoñemos son:

Caixas de cartón para levar a compra, como a que se ve na foto do principio deste artigo.

Promover os graneis. Imos introducindo máis e máis referencias, cada vez máis diversas, e ofrecemos xa ducias de produtos que se poden consumir deste xeito, coas bolsas de papel que propoñemos como alternativa ao uso do plástico, sobre as que tamén teríamos que matinar o uso que lles damos (¡¡hai que reutilizar!!).

– Ofrecer as bolsas de tela ou de malla, como alternativas ás bolsas de plástico.

– Nos casos nos que non hai máis remedio que usar plástico, optar por materiais que sexan reciclables (fécula de pataca, etc).. Pero esto tende a desaparecer. Levamos anos traballando neste sentido para concienciar a aos nosos/as clientas!!!!

Realmente é unha cuestión de comodidade, e apreciamos un gran descenso no uso das bolsas plásticas para levar a compra. Sen embargo, o que vemos é que o gran problema do uso do plástico está nos envasados dos produtos.

Bolsas de tela, a mellor alternativa xunto coas caixas que reutilizamos!

Proveedores voluntariosos… que precisan que se vexa o produto!!

Plásticos, con materiais reciclables, o menos malo do malo.

Problemas e barreiras coas que nos imos atopando

Compre explicar tamén os problemas cos que nos temos atopado despois de todo o camiño que levamos andado:

Os graneis aínda non se coñecen ben. Non hai costume. Descoñecemos a cantidade de produtos que podemos adquirir deste xeito: todo o de horta, por suposto, e tamén legumes e cereais. Pero ademáis estamos a romper a cabeza para ver a maneira de introducir máis produtos deste xeito: froitos secos, pastas de distintos tipos, galletas… Sabemos que cando os nosos proveedores ven que o produto a granel vai saindo máis, eles mesmos queren apostar por este xeito de achegar o seu produto ao mercado (máis económico para eles, que prescinden de envases, pero sobre todo máis gratificante cando falamos de proxectos que desde o principio son promovidos por persoas que elixen o sector ecolóxico, pola súa propia ideoloxía).

Os proveedores non prescinden fácilmente do plástico. Poderían envasar en papel. Pero cando lles preguntamos -o demandamos- contestan que é importante para eles que se vexa o produto, que se o envasan en papel non se ve, e que así non o poden vender. Imos dando pasos, pero máis lentos do que quixéramos.

Conservación de horta de folla. O plástico conserva moito mellor produtos como as leitugas, acelgas, etc, porque mantén a humidade e axuda así a que o produto se manteña fresco durante máis tempo. A solución pasa por mellorar a loxística, para que os produtos deste tipo pasen o menor tempo posible desde que se sacan da terra ata que chegan ao consumidor final. Prescindir do plástico aquí representa un incremento nas perdas que asumimos.  Este ven sendo un dos aspectos nos que máis estamos a traballar últimamente.

Comodidade, comodidade, comodidade… A necesidade de reducir o plástico coñecémola todos, pero dar o paso personal de asumir a responsabilidade propia é xa outra cousa. Imos concienciándonos, pero pouco a pouco (demasiado lentamente). 

Estos son só algúns dos problemas cos que nos atopamos no día a día, na nosa idea de reducir o plástico. Chegamos á conclusión, outra vez, de que a chave a ten o consumidor. Coas decisións que tomamos cando decidimos adquirir un produto (que produto, donde e de que maneira) configuramos a realidade do mundo que habitamos.

Promovendo os graneis!! A mellor opción de consumo, por economía e por ecoloxía.

As caixas, reutilizadas, como solución para transportar as nosas compras.

Márketing das grandes superficies e incongruencias

Últimamente fálase moito do “abandono” do plástico por parte de grandes superficies, que están a utilizar o tema para as súas campañas de márketing.

Chegamos xa a extremos absurdos, como neste post, no que recomendan que merquemos on-line a tendas espalladas por toda a península, e falan tamén de tendas de Francia ou Reino Unido porque son tendas especializadas en produtos sen plástico… zero waste como se di agora!!

É bastante alucinante o atoparse artigos e contidos nos que se insiste en que “las tiendas que nos ayudan a llevar una vida sin producir residuos no las tenemos muy cerca de casa

Neste punto habería que comentar un par de cousas:

– O primeiro é suliñar a incongruencia: sin plástico… pero contaminando co transporte ao traer o que consumimos de donde sexa, sen importar a distancia que percorren os alimentos que consumimos (e os polos derretíndose). A ver se facemos unha campaña para concienciar de que o que menos contamina é o consumo de proximidade.

– O segundo é explicar claramente que nas tendas de barrio propoñemos alternativas máis eco-lóxicas que as que se poden atopar a través de calquera compra on-line. As persoas que xestionamos tendas de barrio tamén temos a nosa conciencia ecolóxica, pero non temos os medios para facer campañas de publicidade coas que chegar a millóns de persoas.

Quédanos a tod@s un longo camiño aínda por percorrer: A roda empeza sempre a xirar polos consumidores/as, que coa súa demanda van ir configurando a oferta, os proxectos que funcionan e os que non. deste xeito, co noso consumo acabamos dándolle forma ao mundo no que vivimos, tanto no ambiental como no económico e no social.

Gostaríamos de que os/as consumidores/as foran quen de valorar o conxunto dos problemas que afrontamos cando falamos de sostenibilidade, e non só os aspectos que agora nos presentan a través dos grandes aparatos de márketing das grandes multinacionais da distribución (parece que agora que están coas bolsas plásticas xa non existe máis problema que este). O custos ambientais do transporte e, xa no noso sector da Agricultura Ecolóxica, os custos sociais dos sistemas de distribución inxustos, que marxinan e dificultan a viabilidade dos labregos/as locais tamén son factores que debemos ter moi en conta, como consumidores/as responsables!!!!!

Comparte!!