Xan Pouliquén, recoñecido experto en Agricultura Ecolóxica, estará en Ferrol o xoves 31 de marzo para presentar o seu último libro: A horta sen químicos (Bahía Edicións).

Descripción do libro:

  • Este é un documento de consulta, desde un enfoque adaptado ás características do clima e do solo galegos, para todas aquelas persoas que desexen cultivar a súa horta sen utilizar ningún tipo de produto químico, nin “mineral”, nin “sulfatos”, nada. Para eses que acaban de entrar na súa nova casa e reservan no xardín un anaco para horta; para aquelas que queren comer tomates sen teren que sulfatalos; para estes que acaban de conseguir unha parcela no horto comunitario do concello.

    Tamén os que se dedican a isto da horta ecolóxica para venderen o froito do seu traballo atoparán aquí información útil, pero deben saber, con todo, que moitas ideas e prácticas descritas non son aplicábeis á produción comercial.

    A horta é para pasalo ben, facer exercicio e compartir cos veciños, as netas ou a parella. Este libro é pequeno, non pretendemos facer aquí unha enciclopedia. Por iso, a idea foi procurar dar información práctica e directamente aplicábel, cunha redacción apropiada para un público máis ben novato.

 

A charla será unha boa oportunidade para que todas aquelas persoas que se queiran achegar á produción agrícola ecolóxica poidan informarse, consultar dúbidas, e atopar canles de asesoramento para a realización desta actividade.

Xan Pouliquén é agrónomo especializado produccion ecoloxica, leite, e xestión técnico-económica de explotacións agrogandeiras. Adícase profesionalmente ao asesoramento no sector da Agricultura Ecolóxica desde hai moitos anos.

Máis información sobre Xan Pouliquén:

http://xestionagrogandeiraenatureza.blogspot.com.es

https://www.linkedin.com/in/xan-pouliquen-kerlau-bb100a44/es

 


Lugar: Galería Sargadelos Ferrol.

Hora: 20:00h.

O evento foi organizado pola Ecotenda78 e pola Galería Sargadelos Ferrol.

Comparte!!