Poñemos unhas fotos das que parece que van ser as últimas mazás eco do ano: mazás producidas en Ortigueira, das variedade gold rush e dalinsweet, e unhas poucas ollo-mouro.

Xa son mazás máis doces que as que tiñamos hai unhas semanas. Esta froita, producida en Ortigueira por Enrique Puentes, vaise botar en falta durante o resto do ano.  As variedades que teremos a partires das próximas semanas van ser xa de fora: golden, royal gala, fuji, etc.

Estamos na época na que vaise reducindo a variedade de produto local (e máis co tempo que estamos tendo neste outono). Pero aínda é posible disfrutar de produtos ecolóxicos da horta local: navizas, repolos, porros, cabazas, leitugas, rúcula, acelgas, …

Deixamos a continuación un listado coa horta disponible. (É un listado que imos actualizando todas as semanas) .