Traemos a novedade do Porco Celta Ecolóxico que introducimos esta semana.

Prodúcese en Lugo, e traemos distintas partes: Lomo, xamón, chuletas… Ven envasado en atmósfera protectora.

Nós xa o probamos e podemos recomendalo pola súa calidade e polo o seu sabor.

Unhas notas sobre o Porco Celta Ecolóxico

O Porco Celta é unha raza autóctona galega.

Foi habitual en Galicia ata os anos 50 pero hoxe está en extinción.

Son animais moi grandes, rústicos, e de crecemento moito máis lento que os porcos aos que estamos acostumbrados agora, que son razas “industriais” de crecemento rápido seleccionadas para abaratar os custos da crianza.

A carne do porco celta diferénciase moito dos porcos convencionais pola súa calidade, sabor, e por unha maior cantidade de grasa.

Pódese obter máis información sobre o porco celta na páxina web de ASOPORCEL (Asociación de Criadores de la Raza Porcina Celta), e tamén na Wikipedia

En Ecolóxico houbera nos últimos anos algúns intentos de cría desta raza autóctona, pero ningún dos intentos conseguiran ata agora perdurar no tempo. O maior tempo de crianza dos animais xunto coa alimentación de calidade que require a cría ecolóxica son factores que dificultan a viabilidade deste tipo de proxectos.

 

Comparte!!