As sementes de Chía (Salvia hispanica L.) están a popularizarse nos últimos tempos. A Chía destaca pola gran cantidade de nutrintes que posúe e tamén polo seu altísimo contido en Omega-3. Ademáis axuda nos procesos dixestivos debido a que a súa fibra facilita o transporte do bolo fecal, beneficiando deste xeito a persoas con problemas dixestivos ou de obesidade.
¿Que é a Chía?
A Chía (Salvia hispanica L.) pertence ao xénero Salvia, que é o xénero máis numeroso da familia das lamiáceas.
É unha planta orixinaria de Centro América.
O que se aproveita dela son as súas sementes.
Cultívase nos meses estivais, no hemisferio Norte. Para o seu cultivo hai que ter en conta que tolera a acidez e a falta de auga, pero non soporta o frío extremo ou as xeadas. Non da sementes se está á sombra.
Propiedades
A Chía caracterízase tamén pola abondosa presenza de proteínas e minerais como o calcio, boro, potasio, ferro,… antioxidantes, e tamén oligoelementos e vitaminas. Pero hai dous aspectos moi destacables da Chía:
– Destaca polo seu altísimo contido en Omega-3. A Chía constitúe unha das mellores alternativas vexetais para consumir este tipo de aceite, xa que posúe a máis alta concentración coñecida ata agora (58-65% en aceite omega 3 ALA (499 g/kg)).
– Destaca tamén polo xel mucilaxinoso que forma ao xuntala cun líquido, pola fibra soluble da semente. Este xel, formado no estómago, actúa como barreira para a transformación de carbohidratos en azúcares simples, o que beneficia a diabéticos. A fibra da Chía favorece o transporte do bolo fecal, o que sirve para previr a obesidade e algunhas enfermidades do aparato dixestivo.
Usos
Pode consumirse como fariña, como brotes, e tamén cruda, que é o máis habitual.
A semente pódese engadir a ensaladas, iogures,… Pódese tamén engadir a masas para facer con ela receitas de panes, biscoitos, bolachas, etc.
Temos a experiencia de que senta moi ben cunca de bebida de avea morna, polas mañás!! 🙂
