Cando estamos vendo que as grandes áreas comerciais están a comercializar “produtos ecolóxicos” envoltos en plásticos… queremos suliñar unha vez máis os beneficios de consumir doutro xeito: a granel!!

Por que se envasan os perecedeiros?

 

Hai dous motivos principais:

Conservación: Ao vir envoltos en plásticos, evitanse oxidacións e a perda de humidade do produto.

Manipulación: Son produtos que pasan por varios intermedarios e transpórtanse a grandes distancias. Evítanse mermas co envasado.

Haberá quen fale de hixiene… Pero a lexislación especifica absolutamente como se debe manipular o produto a granel. Pola contra, envolver en plástico un produto ecolóxico semella unha  contradición pouco hixiénica.

¿Que vantaxes obtemos como consumidores?

– O produto a granel é de mellor calidade, normalmente máis fresco.

– A nivel ambiental, evitamos o uso de plásticos.

– A nivel socio-económico, o granel é a forma que teñen os produtores ecolóxicos cercanos de comercializar o seu produto. Produto envasado implica produto de lonxe. Produto a granel non implica produto de cerca. Pero produto ecolóxico local implica produto a granel.

E aínda existen algúns motivos máis para consumir produtos a granel. ¿Se vos ocurren algúns?