Cando estamos vendo que as grandes áreas comerciais están a comercializar “produtos ecolóxicos” envoltos en plásticos… queremos suliñar unha vez máis os beneficios de consumir doutro xeito: Produtos Ecolóxicos a Granel!!

Coa chegada do frío voltan moitos graneis á Ecotenda78: arroces e outros cereais, legumes, sementes, pastas, bolachas, etc, etc. (non podemos traer durante o vran moitos graneis debido á “fauna” que aparece coa calor nos produtos ecolóxicos, sen tratar con plaguicidas…). Pero a partires deste mes xuntamos máis de 60 referencias neste tipo de produtos!!

Ventaxes dos Produtos a Granel

As ventaxes de consumir a granel semellan bastante obvias. Non deixamos máis que tres aspectos principais:

Economía: o consumo a granel permítenos levar exactamente o que precisamos, nin máis nin menos.

Medio Ambiente: Redución da contaminación por plásticos.

Calidade: O produto a granel é normalmente máis fresco.

Pero poderíamos falar tamén doutras ventaxes… ¿Se che ocorre algunha?

A Horta, a Granel

O 99% da horta que traemos á Ecotenda78 é a granel. Forma parte da nosa filosofía de traballar a prol do produto ecolóxico local: A nivel socio-económico, o granel é a forma que teñen os produtores ecolóxicos locais para comercializar o seu produto. Produto perecedeiro envasado en plástico implica produto de lonxe, no 99% dos casos.

Produto a granel non implica sempre produto local. Pero produto ecolóxico local implica produto a granel.

Por que se envasan os perecedeiros?

Hai dous motivos principais:

Conservación: Ao vir envoltos en plásticos, evitanse oxidacións e a perda de humidade do produto.

Manipulación: Son produtos que pasan por varios intermedarios e transpórtanse a grandes distancias. Evítanse mermas co envasado.

As veces decatámonos de que algunhas persoas rexeitan os graneis por cuestións de hixiene. Neste senso, debemos suliñar que a lexislación especifica absolutamente como se debe manipular o produto a granel. Pola contra, envolver en plástico un produto ecolóxico semella unha  contradición pouco hixiénica.

Tenda On-Line

Graneis

(Aínda faltan algúns graneis por incorporar)

Amosando 1–60 de 65 resultados