Plantas de interese: A Melisa

A melisa (Melissa officinalis) é unha planta que podemos cultivar nunha horta ou xardín. Coñecese tamén polos nomes de herba abelleira ou herba cidreira. Pertence á familia das labiadas, como a menta, o ourego ou a salvia. Trátase dunha planta de moito interese polas propiedades que ten, e que podemos empregar e consumir de varias maneiras.

A melisa ten un recendo a menta e limón, agradable. Pode lembrar á herba luisa, pero non é tan forte. As flores brancas que amosa ao final do vran atraen ás abellas polo seu recendo, e se frotamos calquera folla coa man vainos quedar o cheiro nos dedos.

As Propiedades da Melisa

A Melisa ten unha morea de propiedades:

- A propiedade pola que é máis coñecida é polo seu efecto calmante. Nas palpitacións de orixe nerviosa, a melisa ten a propiedade de tranquilizar o músculo cardiaco e restablecer o ritmo do corazón.

- Tamén ten propiedades antidepresivas e ansiolíticas nos seus compostos. É tranquilizante.

- Emprégase en infusión para as dores estomacais.

- A melisa compórtase tamén como antiviral e expectorante.

- Emprégase tamén como repelente para os mosquitos, sen que afecte a nenos ou mascotas.

O Emprego da Melisa

O emprego máis habitual é como infusión. Aprécianse os seus efectos calmantes e tranquilizantes.

É coñecido tamén, desde tempos moi antigos, un alcolato de melisa que pódese atopar con distintos nomes hoxe: Auga do Carme, Auga do Carmelo, Licor de Melisa (cast. toronjil). Este licor ten a propiedade de calmar os maiores sufrimentos da alma...

A melisa ten tamén usos culinarios: as follas frescas empréganse como condimento en guisos de carne e pescados, e tamén en ensaladas.